Хятад сарнай цэцэглэлээ

Миний улаан өнгөтэй хятад сарнай янзтай цэцэглэж байнаа. 6 дугаар сараас хойш огт бордоогүй байж байгаад 8 дугаар сарын эхээр үндсийг нь тайраад хуучин саванд нь шинэ хөрсөнд хийгээд тавьчлаа. Удалгүй бундуйлаад цэцэглэж эхлэв.

 

 

Зуслангийн цэцэгс

Манай зуслангийн мандлын цэцэгс ёстой гоё алаглаж байна. Энэд тэндгүй эрвээхийнүүд суугаад гоё байлаа. Даанч удахгүй бүгд хагдраад унана гэхээр хайран:(

Энэ жил нилээд их гладиолус тарьсан ч сая очиход бүгд хагдраад үхсэн байлаа. Харин delgeen.com-ийн Баяраа гэдэг залуугаас авч, 4 дүгээр сард суулгасан Chinа aster буюу давжаа голт бор маань ид цэцэглэж байнаа.

 

 

Заримыг нь тэсэлгүй гэртээ авчраад шилжүүлээд суулгачлаа. Зуслан дээр гоё сайхныг нь харах хүнгүй байлгаснаас заримыг нь гэртээ харж баясая:)

 

 

Ялдамын гаж хөгжил

Миний чернилэн ягаан дан дэлбээтай ялдам маань цэцэглээд л байгаа юм. Өнөөдөр хартал нэг цэцэг нь давхар дэлбээтэй гарсан байх юм. Гайхаад, дээш нь сөхөөд сайн хартал яах аргагүй ганцаараа давхар дэлбээтэй гарчээ. Түүний эргэн тойрных нь болохоор дан дэлбээтэй байв. Үүнийг гаж хөгжил л гэж ойлгохоос... :-)

Харин доорх зураг бол уг ялдамын ердийн дан дэлбээтэй цэцэгнүүд нь гарсан байгаа байдал.

Миний ялдамнууд

Миний ялдамнууд гоёмсгоор дэлбээлсээр л байна. Шинээр авсан waternymph л харин огт үндэслэхгүй байна:(

Энэ ялдамны English нэр нь юу вэ?

Энэ ялдам намайг жаахан байхад манайд байдаг байлаа. Удаан хайсаар байж үүний үрсэлгээг өнгөрсөн 11-р сард олж авсан маань одоо цэцэглээд намайг баясгаж байна.

Харин цэцэглээд хэд хоносны дараа дэлбээ нь бүр задраад том болохоос гадна наранд удаан байснаас өнгө нь гүн чернилэн ягаанаас цайрч байна.



Усан цэцэг

Усан цэцэг маань өтгөн саглагар болоод байгаа ч хараахан бундуйлахгүй л байна. Ер нь ургахдаа дуртай, элдэв өөрчлөлтийг маш сайн давдаг, тэсвэртэй цэцэг гэгддэг. Энийг маань намайг эзгүйд 7 хоног услалгүй, бас тэсгэм өвлийн хүйтэнд онгорхой цонхны дэргэд тавьж хэд хэдэн удаа хөлдөөсөн дөө. Гэвч үнэхээр ургах дуртайдаа хөлдсөн хэсгийг тайрч, хайчлан услаад л орхиход хөөрхий сэргээд л явчихдаг, гарын ая сайн даадаг цэцэг. Олон бундуйлж цэцэглэсэн үедээ маш гоёо харагддаг. Одоо ингэсгээд бордож эхэлнэ дээ.

Зузаахай

Зузаахай маань өдрийн туршид ингэж дэлгэрч байна.

Гузмания

Гузмания маань улам гоёмсог болоод л байна. Энэ хэвээрээ 4-6 сар байдаг болохоор гэрийг үнэхээр гоё чимж өгдөг.

Зузаахай бэлгэнд авлаа

Өнөөдөр нэг найз маань надаа зузаахай бэлэглэлээ, тэхдээ бүүр Солонгосоос авчирсан цэцэг байлаа. Одоо яг ид дэлбээлэх гээд бундуйлсан байна. Цэцгийн дэлгүүрт мэдээж маш их бордож байж зардаг тул хэсэгтээ хааяа нэг услахаас өөр юм хийхгүй байсан нь дээр гэж санаад зүүн талын цонхон дээрээ тавьчихлаа. Бас манай гэрийн орчинд дасах хүртэл нь савыг нь ч солихгүй байя гэж шийдлээ. Удахгүй бүх цэцэгнүүд нь гарахаар зургийг нь оруулнаа.

Нил цэцэг

1 дүгээр сарын дундуур нил цэцэгний нэг ширхэг навч хүнээс авч усанд үрслүүлсэн юм. Бараг сар гаран болж байж үндэслэсэн ба хөрсөнд шилжүүлж суулгаад 2 сар болох гэж байна. Хэд хэдэн хөөрхөн нялх навчнууд гарсан ба сайн харах юм бол 2-3 навчин таваг байх шиг байна. Арай жаахан томруулж байгаад салгаж суулганаа.

Ийм цагаан цэцэг гардаг гэсэн. Ямаршуу байхыг харж л байя:-)

Хятад сарнай цэцэглэв

Хятад сарнай маань цэцэглэж эхэллээ